Светското првенство кое идното лето ќе се одржи во САД, Канада и Мексико ќе биде специфично по многу нешта.
Имено, за првпат ќе настапат дури 48 репрезентации, но можно е да дојде и до промена во времетраењето на натпреварите.
Организаторите, како што пренесуваат американските медиуми, стравуваат дека поради екстремни временски услови, мечевите би можеле да траат и по два и пол часа.
Причината е можноста за бури и прекини на натпреварите, поради што би се правеле паузи за разладување на фудбалерите.
Светската фудбалска федерација (ФИФА) соопшти дека акцентот ќе биде ставен на здравјето на играчите, но и дека публиката треба да биде подготвена на малку подолги натпревари од вообичаено.
Да потсетиме, натпревари беа прекинувани и на Светското клупско првенство минатото лето, кое беше генерална проба за Мундијалот.
Бурите и невремето би можеле да претставуваат сериозен проблем за одржувањето на шампионатот.
