Столе Димитриевски иако беше најавен во стартната постава, без никакво образложение беше оставен на клупата за средбата против Атлетик Билбао.
Македонскиот чувар на мрежата кој воедно е и прв голман во Рајо Ваљекано го гледаше од страна поразот на неговиот тим од 1:0.
Лука Зидан и овојпат застана меѓу стативите, а стрелец на единствениот гол беше Нико Серано во 30-та минута.
Навистина е чудна ваквата одлука на тренерот Андони Иралола, ако се знае дека до пред неколку недели Столе беше незаменлив на голот а со неговите настапи беше и прогласен за најдобар голман по првиот дел од сезоната.
Останува да се види дали ваквата одлука е поврзана со неговото евентуално заминување во Ал Наср од Саудиска Арабија или пак, пред самиот натпревар се здобил со некаква повреда.
