Последниот меч на Реал Мадрид во 2021 година ќе биде вистински предизвик за Кралскиот клуб затоа што тренерот Карло Анчелоти нема да може да смета дури на 11-мина фудбалери.
На списокот на играчи кои се планираат за дуелот против Атлетик Билбао ќе ги нема: Давид Алаба, Герет Бејл, Иско, Марсело, Родриго, Адријан Лунин (сите поради корона-вирус), додека Дани Карвахал е повреден, Касемиро е суспендиран, а Дани Себалјос уште не е подготвен да се врати. Ќе го нема ниту Лука Модриќ, кој исто така покажа позитивен тест на корона-вирусот, а потоа беше и негативен.
📋✅ Our squad for our match 🆚 @Athletic_en!#AthleticRealMadrid pic.twitter.com/JEnbUhGzQw
— Real Madrid C.F. 🇬🇧🇺🇸 (@realmadriden) December 21, 2021
Реал имаше серија од 10 победи во низа, а потоа се појавија проблемите со корона-вирусот, па фаворитот на домашен терен киксираше против Кадис и одигра 0:0. Сега ќе биде вистински предизвик Реал да победи на тешкото гостување во Билбао кај Атлетик.
