Борјан Бранковски постави државен рекорд во спортско стрелаштво, во дисциплината воздушен пиштол 60, пливачот Филип Дерковски на трката на 400 метри слободно го поправи својот најдобар личен резултат за 76 стотинки, а трети македонски претставник кој ќе се појави на олимписките борилишта во Токио е џудистката Арбреша Реџепи.
Реџепи, која се натпреварува во категоријата до 52 килограми, својата борба ќе ја почне рано утрово околу 4.15 часот по македонско време.
