Навивачките групи на клубовите од Бундеслигата планираат да молчат првите 12 минути од секој натпревар овој викенд како знак на протест против планираните мерки за безбедност на стадионите. Во соопштение, фановите исто така повикаа клубовите „да се спротивстават на овие планови со сите расположливи ресурси и средства“.
Темата за мерките за безбедност на стадионите ќе биде разгледана од 3 до 5 декември на есенската конференција на министрите за внатрешни работи во Бремен.
Меѓудругото, се дискутираат персонализирани билети за фудбалски натпревари и централно воведени забрани за пристап на стадионите.
Владата вели дека „потребните мерки за безбедност“ помагаат сите на стадионот да уживаат во натпреварот, но фановите ги гледаат мерките како сеопфатно набљудување. Тие истакнуваат дека фудбалските навивачи сè почесто се третираат како безбедносен ризик, иако само мал дел од нив го нарушува редот.
Минатиот викенд, 8.000 навивачи од 38 клуба учествуваа на демонстрации во Лајпциг.
