Новак Ѓоковиќ ја забележа првата победа по пауза од речиси два месеци, односно после точно 54 дена. Србинот со победа го започна настапот на турнирот во Женева, а во осминафиналето беше подобар од унгарскиот тенисер, Мартон Фучович, со максимални 2-0.
На Ѓоковиќ му беа потребни само 75 минути за да дојде до победата со 6-2 и 6-3 по сетови. Противник на српскиот тенисер во четвртфиналето ќе му биде Италијанецот Арналди, од кого загуби на турнирот во Мадрид пред еден месец со 2-0.
Последната победа за Новак Ѓоковиќ беше над бугарскиот тенисер Димитров во полуфиналето на турнирот во Мајами на 28-ми март.
