Иако играше на свој терен, Арсенал немаше шанси во дуелот против Манчестер сити. Граѓаните победија во Лондон со 3:0, а сите погодоци беа постигнати уште во првото полувреме, а во вториот дел само рутински ја задржаа предноста.
Навивачите на Арсенал беа разочарани од играта на своите миленици, а како еден од виновниците го наведоа Сеад Колашинац. Босанскиот интернационалец, кој пред неколку месеци беше херој откако со голи раце им се спротистави на двајца вооружени напаѓачи, овојпат е страшливецот поради кој Топчиите го примиле првиот гол.
При шутот на Кевин де Бројне, Колашинац беше на гол-линијата, но едноставно се наведна, а топката заврши во мрежата. На социјалните мрежи се појавија повеќе коментари поради оваа реакција на Колашинац, а еден навивач на Арсенал напиша: „Колашинац на улица може со голи раце да им се се спротивстави на напаѓачи, но не може да застане пред топката“.
Kolasinac can fight off men harmed with knives with his bare hands, but can throw himself in front of a ball..#ARSMCI pic.twitter.com/sCOKPdxc7B
— Akinyemi Hammed Rotimi (@HammedAkinyemi) December 15, 2019
