Поранешниот холандски фудбалски репрезентативец, Робин ван Перси, на четвртиот натпревар во кариерата како тренер на сениорски тим претрпе вистинска катастрофа. Неговиот Херенвен доживеа погром од 1-9 против АЗ Алкмар во натпревар од холандската Ередивизија.
Загубата е рекордна за клубот, кој за првпат прими 9 гола во лигашки натпревар, а четири од погодоците беа постигнати во последните 20 минути.
Инаку, поразот од Алкмар го израмни најтешкиот пораз на Херенвен во нумеричка смисла, загубија 0-8 од ПСВ Ајндховен минатата сезона.
Додека играше за Арсенал, Ван Перси во 2011 година беше разбиен од Манчестер јунајтед со 2-8.
