Неполни 20 часа по завршувањето на квалификациите, денеска од 18 часот во Истанбул ќе се одржи ждрепката за групната фаза од фудбалската Лига на шампиони.
Според изгледот на четирите шешири од коишто ќе се влечат тимовите, вториот има позвучни имиња од првиот, кој би требало да биде најсилен и во кој се шампионите на Топ 5 лигите, како и победниците на ЛШ и ЛЕ, Челзи односно Вилјареал.
Бидејќи и Барса и ПСЖ се во вториот шешир, нема да биде можно Лионел Меси уште во групите да игра против својот поранешен клуб и ќе мора да почека најмалку до осминафиналето. Единствен дебитант е Шериф Тираспол.
ПРВ ШЕШИР: Челзи, Баерн, Манчестер сити, Атлетико Мадрид, Вилјареал, Интер, Спортинг Лисабон, Лил.
ВТОР ШЕШИР: Реал Мадрид, Барселона, Јувентус, Манчестер јунајтед, ПСЖ, Ливерпул, Севилја, Борусија Дортмунд.
ТРЕТИ ШЕШИР: Порто, Ајакс, Шахтар, Лајпциг, Салцбург, Бенфика, Аталанта, Зенит.
ЧЕТВРТИ ШЕШИР: Бешикташ, Динамо Киев, Бриж, Јанг бојс, Милан, Малме, Волфсбург, Шериф.
