Столе Димитриевски е хит во Шпанија, брани одлично, а пресвртот што го направи за кус рок, по кикс головите што ги прими од Ерменците е неверојатен.
И против Валјадолид, денеска, репрезентативецот на Македонија е во елемент и брани прекрасно. Неговиот тим поведе по само 29 секунди игра, а потоа Димитриевски се истакна.
Одбраната што ја имаше во 41. минута се граничи со чудо и кога сите ја видоа топката во голот на Рајо Валјекано, нашиот голман со рефлекс на мачка спречи израмнување.
Со оваа одбрана Димитриевски сигурно ќе конкурира за место во Топ-5 најдобри одбрани во 18.коло во Ла Лига. Еднаш веќе беше меѓу петте најдобри голмани со одличната одбрана против Леванте.
https://www.youtube.com/watch?v=1z6KUraQ7AM
