Тенискиот крал на земјените терени, Рафаел Надал, објави лоша вест дека нема да може да настапи на турнирот во Барселона, кој е еден од неговите омилени, и го има освојувано дури 12 пати во кариерата.
Ова е шести турнир по ред на кој Надал поради повреда го откажува учеството. Сега му остануваат само турнирите во Мадрид и Рим пред „Ролан Гарос“. Надал би требало да настапи на парискиот грен-слем, а за таму да се појави подготвен, ќе ја повтори ланската формула, кога истотака пред Ролан Гарос играше само на силните турнири на земја во Рим и Мадрид.
Лани Рафа по 14-ти пат го освои Отвореното првенство на Франција, а во Мадрид и Рим одигра вкупно само пет меча.
