Рафаел Надал без многу мака обезбеди учество во четвртото коло на Вимблдон по победата над Жо Вилфред Цонга со 3-0 во сетови (6-2, 6-3, 6-1). Шпанецот буквално не го остави противникот да земе здив, напаѓаше фуриозно во текот на целиот меч и за помалку од 90 минути се пласираше во осминафиналето.
Како што се очекуваше, Надал тргна со високо темпо и за брзо време поведе со 4-1 во гемови во воведниот сет. Цонга успеа да освои уште еден гем, но вториот брејк на Надал значеше водство од 1-0 за Шпанецот. Французинот се поправи во однос на претхондниот сет и освои еден гем повеќе, а по долгата неизвесност во деветтиот гем Надал ја искористи третата сет-топка за да дојде до 2-0.
Два нови брејка го доведоа Надал до 5-1 лесниот триумф, Цонга спаси три меч-топки за намали на 5-2, но тоа беше максимумот на ветеранот.
Претходно освојувачот на АТП турнирот во Монте Карло, Фабио Фоњини, претрпе сензационална елиминација 94-то рангираниот Тенис Сандгрен со 3-0 во сетови (6-3, 7-6, 6-3).
