Рафаел Надал е првиот полуфиналист на Отвореното првенство на Австралија откако во неверојатно интересен меч, со 3:2 во сетови го победи Денис Шаповалов. Драмата на „Род Левер арената“ траеше повеќе од четири часа, а на крајот Шпанецот се радуваше на нов пласман меѓу најдобрите четворица на првиот гренслем во сезоната.
One for the ages ✨
🇪🇸 @RafaelNadal defeats Denis Shapovalov 6-3 6-4 4-6 3-6 6-3 to reach his seventh #AusOpen semifinal.#AO2022 pic.twitter.com/2vp5Enfeep
— #AusOpen (@AustralianOpen) January 25, 2022
Надал одлично го започна мечот и со брејк во четвртиот гејм си обезбеди добра предност, која на крајот ја искористи за да го добие првиот сет со 6:3. И во вториот сет на Шпанецот му беше доволно да направи еден брејк за да стигне до сетот. При резултат 3:3, Рафа го освои сервисот на противникот и го доби сетот со 6:4.
Making moves, @rafaelnadal style 😎@Kia_Worldwide · #Kia · #MovementThatInspires@wwos · @espn · @Eurosport · @wowowtennis pic.twitter.com/PcTTSF2AP9
— #AusOpen (@AustralianOpen) January 25, 2022
Иако се чинеше дека Надал лесно ќе го добие дуелот, Шаповалов се врати во третиот сет. Канадскиот тенисер заигра многу посигурно на свој сервис и при негово водство од 5:4 успеа да го направи првиот брејк, со што намали на 1:2 во сетови.
Not looking back 👀@denis_shapo fights back to level things up against Nadal, taking the fourth set 6-3.#AusOpen • #AO2022 pic.twitter.com/aAhsm8XrbL
— #AusOpen (@AustralianOpen) January 25, 2022
По овој освоен сет, се врати самодовербата кај 14-тиот на АТП-листата, па во четвртиот сет следуваше нов брејк на Шаповалов, кој го доби сетот со 6:3 за израмнување на 2:2.
Надал минатата година шокантно загуби од Стефанос Циципас, кога пропушти водство од 2:0 во сетови, но Шпанецот не дозволи сега да му се случи тоа. Во неговата кариера, во 230 мечеви на коишто имал водство од 2:0 во сетови, само двапати се случило да не победи.
Во решавачкиот петти сет, Надал покажа дека нема да го доживее ланскиот кошмар, па брзо направи брејк за водство од 3:0 во гејмови и на крајот го доби сетот со 6:3 за пласман во полуфиналето и останување на сонот за освојување на 21-вата гренслем-титула во кариерата.
Во полуфиналето, Надал ќе го чека подобриот од дуелот Гаел Монфилс – Матео Беретини.
