Четвртфиналето кое се очекуваше уште кога се направи ждрепката за „Ролан Гарос“, станува стварност. Рафаел Надал и Новак Ѓоковиќ ќе имаат дуел еден против друг на париската земја, а само за еден од нив ќе има место во полуфиналето.
Во драматичен меч вечерва, Надал дури во пет сета го совлада Феликс Оже-Алиасим, и остана на патот кон 14-тата титула во Париз. Шпанецот губеше со 0-1 во сетови, па водеше со 2-1, Канаѓанецот израмни на 2-2, за на крај, искуството да биде пресудно.
Ова беше само трети пат Надал да игра петти сет на „Ролан Гарос“, а 16-ти пат ќе игра четвртфинале на овој грен-слем. Надал во својата кариера, има загубено само три натпревари, од кои два од Ѓоковиќ. Лани Србинот славеше со 3-1 во полуфиналето.
LEGENDARY@RafaelNadal reaches a 16th final eight in Paris passing a titanic battle with Auger-Aliassime 3-6, 6-3, 6-2, 3-6, 6-3#RolandGarros pic.twitter.com/TIxTUM8xYL
— Roland-Garros (@rolandgarros) May 29, 2022
