Рафаел Надал објасни дека со тешко срце ја донел одлуката да се повлече од полуфиналниот меч со Ник Кирјос на Вимблдон, по што остана без шанса за 23-тиот гренслем-пехар во кариерата.
„Со тешко срце донесов одлука да го откажам настапот во полуфиналето, но нема смисла да излезам на терен и да не бидам конкурентен. Имам голема болка во пределот на стомакот, со дупка на мускулот и не можам воопшто да сервирам и да играм нормално. Жал ми е, а и повредата и одлуката да се откажам се болни, но морам да внимавам на здравјето пред сè“, изјави Надал.
“I have a tear in the muscle in the abdominal…I feel very sad to say that.”@RafaelNadal | #Wimbledon pic.twitter.com/ctA7nUVQ7k
— Tennis Channel (@TennisChannel) July 7, 2022
Шпанецот вчера имаше видливи проблеми со повредата на стомачниот мускул, кој е скинат и има дупка, но некако успеа да го победи Тејлор Фриц со 3:2 во сетови, а вечерва објави дека не може да продолжи и му го препушти местото во финалето на Ник Кирјос.
Австралиецот за првпат ќе игра меч за титула на гренслем-турнирите, а противник ќе му биде подобриот од дуелот меѓу актуелниот шампион Новак Ѓоковиќ и домашниот тенисер Камерон Нори што ќе се игра утре, од 14.30 часот.
