Пред неколку месеци, односно со завршување на сезоната 2024, Рафаел Надал и официјално замина во тениска пензија. Еден од најдобрите тенисери на сите времиња откри дека воопшто го нема допрено рекетот, откако се пензионирал.
„Воопшто не сум имал контакт со рекетот откако се повлеков. Ја загубив таа борбена енергија. Играм голф, но не сум фокусиран како претходно. Мене не ме интересира да играм ако немам некоја цел. Секогаш сум бил борец. Повеќе сакам да се борам до крајот, отколку лесно да победувам“, рече Надал, кој додаде дека полесно од очекуваното ја прифатил играчката пензија.
Шпанецот со тенисот започна уште од својата трета година заедно со неговиот вујко Тони.
„Имам пораснато во семејство кое секогаш ми давало голема поддршка, но не и дополнителен притисок. Кога доаѓаат тешките моменти, тоа што го имаш научено од претходно ти помага да одиш напред“, вели Надал.
Запрашан за тоа да ги издвои најтешките мечеви што ги имал во кариерата, Надал потенцираше дуели против Роџер Федерер и Данил Медведев. Иако најмногу пати има играло против Новак Ѓоковиќ и тоа многу анталогиски дуели, Шпанецот едноставно го заборави Ѓоковиќ да го вметне во оваа листа.
„Финалето на Вимблдон против Федерер во 2008 година е еден од најтешките натпревари што сум ги одиграл. По двата порази во финалето, таа победа ми покажа дека можам да победам и од земјена подлога. Потоа, финалето на Австралија опен во 2022 година против Медведев. Губев со 0:2 во сетови, но знаев дека не смеам да се откажам. Тие 4 проценти вредат да се борат за шансите“, потенцираше пензионираниот Надал.
