Поранешниот репрезентативец на Белгија, Раџа Најнголан, имаше можност да ги коментира настапите на Рома оваа сезона, но не заборави и да го искритикува поранешниот тренер на Римската волчица, Жозе Мурињо, за кого се чини дека нема некое баш најдобро мислење.
„Според мене, Рома е фаворит во градското дерби. Задоволен сум од настапот против Јувентус и екипата уште еднаш потврди дека со Раниери на чело се движи во вистинска насока. Рома сега изгледа многу подобро за разлика од времето на Мурињо. Неговиот фудбал беше здодевен и никого не го интересираше. Јас никогаш немав видено поздодевен фудбал, навивачите немаше што да видат. Ако имав син и со него гледав меч на Олимпико, ние би заминале на полувремето“, рече Најнголан.
Рома е во серија од 15 натпревари без пораз во Серија А, па така се доближи само на четири бода од четвртата позиција, која води директно во групната фаза од Лигата на шампионите.
