Јута џаз не сопира со одличните игри во НБА лигата. Џезерите утрово на свој терен без поголеми проблеми го победија Мајами хит со 112:94 и стигнаа до 18-тата победа во последните 19 средби. Ваква низа Јута немала уште од времето на легендарните Карл Мелоун и Џон Стоктон во 1998 година.
The @utahjazz have now won 18 of their last 19 games… for the first time since 1998.
The last team to go 18-1 over a 19-game span was Milwaukee in 2019. @EliasSports pic.twitter.com/UZAurY3tMA
— NBA.com/Stats (@nbastats) February 14, 2021
Јута е најдобар тим во лигата и моментно има биланс од 22 победи и само пет порази, а за прв пат по Милвоки во 2019 година, една екипа може да се пофали со 18 победи во 19 дуели. Најзаслужни за новата победа на Јута се Донован Мичел со 26 поени и Бојан Богдановиќ кој додаде 19 поени. Солиден беше и Руди Гоберт со 16 поени. Кај Мајами најпрецизен беше Кендрик Нун со 23 поени.
Бруклин победи на гостувањето кај Голден Стејт со 134:117, во најефикасниот меч одигран утрово во НБА. Кевин Дурант одигра одлично против својот поранешен клуб и даде 20 поени, што беше доволно да биде втор стрелец во победничкиот тим, веднаш зад Ирвинг кој постигна 23 поени.
Во останатите мечеви кои се играа утрово: Њујорк – Хјустон 121:99, Аталанта – Индијана 113:125 и Феникс – Филаделфија 120:111.
