Жоао Феликс, кој го доби признането за најдобар млад играч во Европа за 2019 година, открива какви му се плановите за во иднина. Португалецот ја игра првата сезона во Атлетико Мадрид, а многу веројатно е дека веќе размислува за нов трансфер.
„Многу сум среќен за признанието дека сум најдобар млад играч. Моите блиски знаат колку многу сум работел за да стигнам до ова ниво. Секогаш сум велел дека тоа е мојата цел. Семејството, пријателите, соиграчите знаат колку многу работам. Не знам што може да се случи во иднина, но еден ден би сакал да играм со Кристијано Роналдо“, рече младиот Феликс.
Ако се знае дека Роналдо веќе има 34 години, а е играч на Јувентус, желбата на Феликс најреално би му се остварила само ако тој потпише за најтрофејниот италијански клуб.
