Рускиот тенисер Андреј Рубљов се пласираше во четвртфиналето на Вимблдон, откако во еден неверојатен меч со 3:2 го победи Александар Бублик. Рубљов водеше со 2:0 во сетови, но Бублик не се предаде и во следните два сета беше подобар во тај-брејк.
Во петиот сет, Рубљов водеше со 5:4 и имаше 30:15, кога се одигра најдобриот поен не само на овој меч, туку на целиот турнир. По фантастична размена на удари, Бублик одигра одлична парарела и делуваше дека го добива поенот со винер. Сепак, Рубљов успеа на неверојатен начин да го врати ударот и да го освои поенот.
Противникот остана во неверување, навивачите со стоечки овации го поздравија овој потег, а Рубљов доби две меч топки. Бублик не можеше да верува, па во следниот сервис, рускиот тенисер со ас успеа да го добие поенот кој му донесе и победа на овој дуел.
