Џејмс Родригес е фудбалерот кој блесна пред осум години на светското првенство во Бразил. Колумбискиот репрезентативец даде шест гола на Мундијалот и на крајот беше прогласен за најдобар стрелец на планетарниот собир. Тоа му беше препорака да потпише за Реал Мадрид, каде остана шест години, но не се прослави.
Во 2020 година, Колумбиецот потпиша за Евертон и одигра една сезона, за потоа да биде привлечен од богатата катарска понуда и го облече дресот на Ал-Рајан. Сепак, само по една сезона, офанзивниот играч ќе се врати во Премиер лигата и најверојатно тоа ќе биде во тимот на Вест хем.
Лондонскиот клуб поминува низ одличен период. Финансиски е стабилен, а бележи и добри резултати. Чеканите моментно се на седмото место во Премиер лигата кое носи излез во Европа, а утре играат во градското дерби против Арсенал.
