Шампионот на Казахстан, екипата на Каират Алмати в четврток ќе дебитира во Лигата на шампионите, и тоа на гости кај Спортинг Лисабон. Пласманот во лигашкиот дел од ЛШ беше остварување на сонот за казахстанскиот тим, кој во првото коло со дебитантскиот настап испиша историја.
Екипата на Каират Алмати прелета 7.200 километри со авионот, и тоа преку шест временски зони, за да стигне до Лисабон. Никогаш претходно во 71-годишната историја на елитното натпреварување немало подолго патување од ова.
Шампионот на Казахстан го сруши досегашниот рекорд кој го држеа Бенфика и Астана од 2015 година. Тогаш овие два клуба мораа да пропатуваат по 6.164 километри во еден правец за да одиграат меч во ЛШ. Тогаш се играа дуели на домашен и на гостински терен со истиот ривал, додека сега Спортинг ќе се спаси и нема да мора да игра возвратен меч со Каират во Алмати.
✈️ Kairat Almaty of Kazakhstan have landed in Lisbon ahead of their UEFA Champions League debut against Sporting on Thursday evening.
Flying a total of 7,200km across six time zones, it is the record away day in the 34-year history of the UCL / 71-year history if you include the… pic.twitter.com/8Bv8pZTHZP
— The Sweeper (@SweeperPod) September 16, 2025
Каират Алмати за четири гостувања во лигашкиот дел од Лигата на шампионите ќе мора да пропатува неверојатни 45.000 километри.
