Бразилскиот фудбалер Даглас Луис пред само неколку месеци дојде во Јувентус и тоа за трансфер вреден 40 милиони евра од Астон вила. Даглас Луис беше најавуван како големо засилување, но сега по само 13 одиграни меча, односно вкупно 354 минути поминати на теренот, се најавува негово заминување од италијанскиот гигант.
Освен проблемите со повредите, Луис се мачеше и со адаптацијата во новиот клуб. Не му помогна ниту доаѓањето на неговата девојка Алиша Леман, која истотака од женскиот тим на Астон вила дојде во Јувентус.
❗️BREAKING: Two Premier League clubs are working to sign Douglas Luiz from Juventus this January.
— @SkySportsNews pic.twitter.com/8tuOk3fVWL
— Forza Juventus (@ForzaJuveEN) January 6, 2025
Како што пишува Скај Спорт, два неименувани клуба од Англија работат на тоа да го доведат бразилецот како позајмен играч до крајот на сезоната. За разлика од оваа сезона во која Луис е непрепознатлив, минатата одигра дури 53 натпревари за Астон вила и беше еден од најдобрите играчи во екипата.
