Џиџи Бекали, кој е долгогодишен сопственик на романскиот гигант ФЦСБ (поранешна Стеауа), повторно направи хаос во тамошниот фудбал. Бекали објави војна против вакцинираните фудбалери откако забрани во неговиот тим да играат играчи кои се вакцинирани против корона-вирусот.
Во изјави за романските медиуми, Бекали вели дека вакцинираните фудбалери ја имаат загубено силата и затоа не ги сака во неговиот клуб.
BREAKING: FCSB owner Gigi Becali says he is not allowing vaccinated players to play anymore because they are “powerless”.
— Emanuel Roşu (@Emishor) February 23, 2022
Газдата на тимот од Букурешт вели дека во составот може да бидат оние фудбалери кои имале лажни сертификати за вакцинација, но дека оние кои навистина се вакцинирале, нема да добијат дозвола за настап. Бекали веќе подолго време е голем поборник против вакцинирањето.
„Ако треба да одберам меѓу пиштол и вакцина, попрво би го одбрал пиштолот и би си пукал директно во глава! Нема ништо од вакцинацирање во мојот клуб“, неодамна изјави Бекали, кој сега очигледно се решил на уште порадикални потези.
Romania’s second best football team, FCSB, will ban all vaccinated players from playing, owner Gigi Becali says.
He claims he made the decision because getting vaccinated shows ‘they are powerless’.@Emishor pic.twitter.com/Eaa87h6utM
— Sam Street (@samstreetwrites) February 23, 2022
