Бери Грејвс почина на 28 декември на 83-годишна возраст, а пред смртта го состави најчудниот тестамент и ги почести своите фудбалски миленици со 100 фунти, за по еден пијалок во негова чест.
Бери беше долговечен навивач на Норвич, а со пораката во тестаментот и дозата на хумор предизвика симпатии на Островот.
„Секогаш велеше дека ќе им остави 100 фунти на играчите на Норвич, клубот за којшто навиваше целиот свој живот. За нив навиваше и во добрите и во лошите времиња на клубот и беше многу лојален. Нека се почестат од мене по еден пијалок, тоа постојано ми го говореше во последните моменти од животот“, вели неговата ќерка Сара Грејвс.
Учителот по историја успеа и да се израдува на промоцијата на своите Канаринци во Премиер лигата ланското лето, кога Норвич со освојување на првото место во Шампионат лигата се избори за настап во елитната англиска лига.
