Драматични завршници со среќен крај за домашните екипи имаше на дуелите Тотенхем – Шефилд јунајтед и Астон вила – Кристал Палас. На двата меча гостите беа на прагот да стигнат до победи, а на крајот домаќините се радуваа.
Шефилд јунајтед со гол во 74 минута стигна до предност на гости кај Тотенхем и таа предност ја имаа до судиското продолжение. Арбитарот покажа дека ќе има 12 минути надополнување, а Шефилд водеше до 90+8 минута, кога Ришарлисон погоди за 1:1.
Голема беше радоста на домашните навивачи, но малку кој веруваше дека само 120 минути подоцна ќе има нова ерупција од воодушевување на лондонскиот стадион. Во 90+10 минута, Дејан Кулушевски погоди за 2:1 и победа на Тотенхем во мечот кој имаше дури 16 минути продлжение на второто полувреме.
98 – Spurs went into the 98th minute trailing to Sheffield United before winning 2-1, the latest winning comeback by a side in Premier League history, surpassing their own record (95th min v Leicester in January 2022). Spursy? pic.twitter.com/MnPfHHLOu3
— OptaJoe (@OptaJoe) September 16, 2023
Слично сценарио беше на дуелот во Бирмингем, каде ААстон вила со 3:1 го победи Кристал Палас, иако гостите водеа до самиот финиш на средбата. Кристал Палас погоди на почетокот на вториот дел и предноста ја имаше до 88 минута. Тогаш домаќините израмнија на 1:1, а судијата потоа покажа девет минути дополнително време.
Во 94 минута беше направен фаул во шеснаесетникот на гостите, а арбитарот по неколкуминутна консултација со ВАР системот покажа пенал за Астон вила, која поведе со 2:1 во 98 минута. Во 90+10 минута, домаќините постигнаа и трет гол за победа од 3:1 во дуел на кој второто полувреме имаше вкупно 18 минути надполнување.
