Фудбалерите на Сутјеска од Никшиќ победија со 3-2 на гостувањето кај Младост Доња Горица во 17-то коло од Првата лига на Црна Гора, последниот гол за 3-2 во 85-та минута го одбележа натпреварот.
Балша Тошковиќ му донесе три бода на својот тим после една необична и смешна ситуација на катастрофалниот терен.
Еден од играчите на Младост се обиде да ја врати топката до голманот Петар Радуловиќ, меѓутоа, грутка кал „реши“ ова да стане најкомичниот гол сезонава, топката отскокна и го измами голманот кој сакаше да ја шутне, и таа непречено тргна кон неговиот гол. Натрча Тошковиќ и ја смести во мрежата.
Погледнете:
