Јапонската фудбалска легенда Казујоши Миура има 54 години, но не размислува да стави крај на својата кариера како професионален фудбалер, а нема ни зошто да го прави тоа, за него се интересираат осум прволигашки клубови и тој уште бира каде ќе игра.
Јокохама реши да не му го продолжи договорот на популарниот Казу и тоа не затоа што се незадоволни од неговите игри, туку затоа што испаднаа во втора лига, а Миура не сака да игра во понизок ранг.
Миура кариерата ја почна во 1986 година, и тоа во бразилскиот Сантош затоа што во тоа време во Јапонија немаше професионална лига. Во Европа има настапувано за Џенова и кратко за Динамо Загреб. За националниот тим играше од 1990 до 2000 година и даде 55 гола. Има играно и за футсал репрезентацијата на Јапонија.
