Бразилскиот десен бек Даниел Алвес (38) официјално ја заврши соработката со Сао Пауло и од пред неколку часа е слободен агент. Алвес имаше договор уште 15 месеци (до декември 2022), но клубот има големи долгови, па Дани реши да го раскине договорот токму по шест одиграни меча сезонава, што е услов за да смее да се пресели во друг бразилски клуб.
Веќе се јавија заинтересирани клубови за некогашниот бек на Барселона и ПСЖ, а прв во редот застана Фламенго, кој неодамна го ангажира и Давид Луиз.
