Легендарниот бразилски лев бек Марсело, по 15 години поминати во Реал Мадрид, реши да си замине од „Сантијаго Бернабеу“. Марсело имаше испраќање од Мадрид на најдобар можен начин, со трофеите од Примера дивисион и Лигата на шампиони.
Со овие два пехари, Марсело стана најтрофеен фудбалер во историјата на Реал Мадрид со 25 освоени трофеи. Искусниот Бразилец сега е подготвен за нови предизвици, а се очекува кариерата да ја продолжи во некоја од Топ 5 лигите.
Според најновите информации, Марсело се споменува како нови играч на Монца. Италијанскиот клуб кој за прв пат се избори за пласман во Серија А е под водство на некогашните челници на Милан, Силвио Берлускони и Адријано Галијани, луѓе кои знаат како се носат големи ѕвезди.
🚨 Escl. – L’ultima pazza idea del #Monza è l’ex Real Madrid #Marcelo per la fascia sinistra. Avviati i contatti. #calciomercato
— Nicolò Schira (@NicoSchira) July 13, 2022
Монца до 2018 година играше во Серија Ц, а во досегашниот дел од преодниот рок веќе потроши значителна сума за нови фудбалери. Берлускони неодамна најави дека амбициите на Монца во првата сезона од Серија А е се да се озбори за место кое води во Лигата на шампиони.
