Синоќа во ракометната Лига на шампиони за мажи беше виден најневеројатниот пресврт во историјата. Ова беше ист пример како може да се загуби добиен меч ако набљудувате од гледна точка на дански ГОГ, а како може да се добие загубен меч од гледна точка на француски Нант.
Во последната минута, ГОГ Гудме влезе со предност од 33-31, а имаше и напад. Напаѓаа без голман, сакаа да извојуваат што поубедлива победа пред реваншот. Но, топката беше пресечена и Нант ја погоди празната мрежа. Истото се случи и во следниот напад и Нант израмни. На крај, при нерешено, ГОГ имаше напад барем за минимална победа, но не реализираа, Нант имаше пет секунди за напад и дадоа гол со шут од голема далечина со голман меѓу стативите на ГОГ.
@homeofhandball From -2 to +1 in a minute?! 😱 #ehfcl #handball #håndbold #clm
