Рандал Коло Муани пред само 16 месеци направи сензационален трансфер од Ајнтрахт Франкфурт во ПСЖ за неверојатни 95 милиони евра, но сега е на излезна врата и пред трансфер во Премиер лигата.
Стручниот штаб на „светците“ не е задоволен од играта која ја прикажува и сака по секоја цена да се ослободи од него и тоа за далеку помала сума од онаа која ја платија. Интерес за неговите услуги има од Тотенхем, од каде сакаат да го ангажираат уште зимава, а ПСЖ е расположен да го пушти и како позајмен до крајот на сезоната.
ПСЖ за позајмица бара четири милиони евра и екипата која ќе го ангажира комплетно да ја преземе неговата плата, а налето може да го ослободи за 20 милиони евра. Иако ќе бидат во загуба од неверојатни 70 милиони евра, сепак целта е да се направи простор во буџетот за нови фудбалери.
