Антонио Конте, тренерот кој минатата сезона го одведе Наполи до Скудетото, се соочува со криза веќе на почетокот на новата сезона.
Двата последовни порази, 1-0 од Торино во Серија А и убедливите 6-2 кај ПСВ во Лигата на шампионите, ги зголемија тензиите во соблекувалната и поттикнаа сомнежи во водењето на тимот од страна на Конте.
Ситуацијата дополнително се компликува со новото засилување Ноа Ланг. Холандскиот напаѓач најголемиот дел од времето го минува на клупата, а во медиумите отворено изјави дека Конте го игнорира и дека не знае што повеќе треба да направи за да добие шанса на теренот.
Незадоволството на играчите дополнително го зголемува притисокот врз претседателот на Наполи, Аурелио де Лаурентис. Според најновите информации, Де Лаурентис е во контакт со Роберто Манчини, поранешниот селектор на Италија, кој наводно чека шанса за враќање во италијанскиот клупски фудбал.
Сите очи сега се вперени кон Де Лаурентис. Одлуката што ќе ја донесе може да го одреди текот на сезоната на Наполи, а шпекулациите за заминувањето на Конте стануваат сè поинтензивни.
