Елиф Елмас постигна гол кога најногу му требаше на Наполи, во моментни кога Аталанта притискаше за реми и нашиот репрезентативец е меѓу најзаслужните за големата победа на наполитанците од 3:1 во Бергамо.
https://twitter.com/MGuardasole/status/1510630329970798606?s=20&t=LvBnmU2_beRWHotRyBdN3Q
Елмас беше мирен и прецизен во 81. минута за конечни 3:1 за Наполи, екипа што останува во трката за Скудетото, а го прегрме успешно и најтешкото гостување.
Голот на Елмас можете да го погледнете ОВДЕ.
Наполитанците останаа во трката за Скудетото и имаат 66 бода, колку и лидерот Милан, но Росонерите се со меч помалку.
Елиф влезе во игра во 59. минута, само 60 секунди откако Аталанта со голот на Де Рон намали на 1:2и потоа со убав гол ја запечати победата на гостите.
Македонскиот репрезентативец со голот во 81. минута, што му е трет во сезоната и пресуди на Аталанта и го приближи Наполи до Скудетото.
Наполитанците поведоа со головите на Инсиње и на Политано во првото полувреме,а потоа го издржаа притисокот и славеа многу важна победа во битката за титулата.
Удинезе го декласира Калјари со 5:1 и го турна ривалот кон опасната зона. Бето постигна хет-трик, по еднаш прецизни беа и Бетао и Молина за тимот за кој Илија Несторовски играше од 76. минута.
