Елиф Елмас се врати во Наполи, клубот со којшто беше и првак на Италија. Елмас посакуваше што е можно поскоро да си замине од Лајпциг, каде што имаше лоша епизода, па сега повторно ќе игра за Наполи.
Елмас ги помина лекарските прегледи, а тренерот на Наполи, Антонио Конте, покажа дека верува во македонскиот репрезентативец. Елмас веднаш беше пријавен за настапите на Наполи во групната фаза во Лигата на шампионите.
Македонскиот репрезентативец во новата сезона ќе го носи дресот со бројот 20. Претходно додека играше за Наполи, Елмас ги носеше дресовите со броевите 12 и седумката.
