Италијанскиот шампион Наполи го договори трансферот на новиот напаѓач, Лоренцо Лука од Удинезе. По неуспешните преговори со Ливерпул за Дарвин Нуњез, клубот од Неапол се реши да го ангажира 24-годишниот италијански репрезентативец.
Според договорот, Лука ќе пристигне на позајмица вредна 9 милиони евра, со обврзувачка клаузула за откуп од 26 милиони евра која ќе се активира следното лето.
Лука минатата сезона постигна 14 гола на 36 настапи за Удинезе, а досега има пет настапи за италијанската репрезентација. Претходно во кариерата настапувал и за Виченца, Пиза, Палермо и за холандскиот Ајакс.
Овој трансфер се гледа како важен потег за зајакнување на офанзивата на Наполи во новата сезона.
