Италијанскиот шампион Наполи мораше да се мачи на пенали во осминафиналната битка од Купот на Италија против Каљари. Мечот во регуларниот тек заврши 1-1, а по изведувањето на ударите од белата точка, Наполитанците славеа со 8-9 и се пласираа понатаму.
Елиф Елмас беше стартер и го одигра целиот натпревар за Наполи. Лоренцо Лука донесе предност за Наполи во 28-мата минута, а израмни Себастијано Еспозито во 67-мата минута.
Со оглед дека немаше разврска во регуларниот тек од мечот, се изведуваа пенали, а по големата драма, подобри изведувачи беа фудбалерите на Антонио Конте и славеа со 9-8.
Матија Феличи од гостинскиот тим не успеа да реализира пенал и ја погоди гредата од голот на Наполи, но во петтата серија неуспешен беше и Давид Нерес.
Елиф Елмас беше прецизен во шестата серија, а возбудувањата продолжија. Во десеттата серија Вања Милинковиќ-Савиќ го одбрани ударот на Лувумбо, а Бонџорно го трасираше патот на Наполи во четвртфиналето.
