Италијанскиот првак Наполи со 3:1 победи на гостувањето кај Фросиноне во меч со кој стартуваше новото првенство на италијанската Серија А. Наполи беше голем фаворит за освојување на трите бода, но навивачите на Фросинине први се израдуваа.
Беше досуден пенал во седмата минута, а Харуи донесе водство на домаќините. Сепак, Наполи брзо се врати и покажа зошто е актуелен шампион во Италија. Политано со гол во 24 минута израмни на 1:1, а првата ѕвезда во тимот, Виктор Осимен во 42 минута погоди за 2:1. Овој гол на Осимен, може да го видите ТУКА.
Сите дилеми околу победникот беа решени во 79 минута кога Осимен со својот втор гол донесе предност од 3:1 за Наполи, што на крајот се покажа како конечен резултат.
Кај Наполи, последните 15-тина минути ги одигра Елиф Елмас кој влезе на местото на Политано.
Во вториот меч кој се играше во ист термин, Верона со 1:0 победи на гости кај Емполи.
