Натпреварот од последното коло во втората француска лига меѓу Бордо и Родез кој се играше вчера вечерта беше прекинат уште во првото полувреме бидејќи навивач на домашниот тим влезе на теренот и ги нападна гостинските фудбалери.
Во мечот во кој Бордо се обидуваше да ги задржи шансите за директен пласман во Лига 1, ситуацијата дополнително ја влоши навивач на Жиродинците кој во 38-та минута, по постигнатиот гол на Родез, влета на теренот и ги нападна гостинските фудбалери и тоа додека се радуваа и тоа пред трибината на која беа домашните фанови.
https://twitter.com/i/status/1664833843814187008
Тој го турна стрелецот на голот кој остана да лежи на теренот, по што реагираше обезбедувањето, а судијата одлучи да го прекине мечот. Потоа беше одлучено натпреварот да не се доигра, а во таков случај на гостите ќе им биде доделена службена победа од 3:0.
⚽ FOOTBALL : Grave incident lors du match Bordeaux-Rodez, qui vient d'être définitivement arrêté. Lucas Buades, qui venait d'ouvrir le score pour Rodez, a été agressé par un individu. Le joueur a été évacué à l'hôpital. #FCGBRAF pic.twitter.com/spHWxq7pvf
— Infos Françaises (@InfosFrancaises) June 2, 2023
Претседателот на Бордо најави дека ќе вложи жалба и ќе бара натпреварот да се доигра, но доколку му биде одбиена жалбата, неговиот тим ќе остане на третото место на табелата и следната сезона повторно ќе игра во втората лига.
