Навивач на Аталанта беше убиен по судир со навивачите на Интер. Инцидентот се случил на улица во близина на стадионот во Бергамо, а на крајот се случи трагедија. Почина 26-годишниот маж откако бил избоден со нож од 19-годишен навивач на Интер, кој сега е предаден на властите.
Конфликтот започнал во еден бар во Бергамо, кога двете групи навивачи се скарале откако 19-годишникот, заедно со неговиот брат и пријателите, скандирале песни за Интер.
Ножот што 19-годишникот го користел за да го убие 26-годишникот бил пронајден во близина на жртвата, а навивачот на „нероаѕурите“ е приведен до судењето.
⚠️ Un gravissimo episodio di violenza potrebbe coinvolgere ancora una volta il calcio italiano: come riportato da Sportmediaset, un ragazzo di 26 anni è stato ucciso a coltellate, la notte scorsa a Bergamo 🏟️#Inter #Atalanta #spaziointer pic.twitter.com/E79I4rWqpF
— SpazioInter.it (@SpazioInter) May 4, 2025
Осомничениот веднаш се предал на полицијата. Се работи за 19-годишниот Јакопо де Симоне, кој тврди дека го нападнал настраданиот Кларис за да го заштити својот брат.
Италијанските власти продолжуваат со истрагата за причините за судирот и убиството на несреќниот човек, а се истражува и вмешаноста на други навивачи.
