Португалија со 3:0 ја победи Босна и Херцеговина во меч на кој Бруно Фернандеш беше главен на теренот со два гола и асистенција. Иако Бруно беше незадржлив за противничката одбрана, логично, за навивачите секогаш главен е Кристијано Роналдо.
Еден навивач успеа да втрча на теренот и стигне до Роналдо. Прво го прегрна својот идол, а потоа и неколку пати го поткрена.
Роналдо мирно стоеше покрај навивачот, кој потоа клекна и буквално почна да му ги бакнува копачките на капитенот на Португалија. На крајот го направи и препознатливото „Сиииууу“ со кое Роналдо ги прославува погодоците.