Лигата на шампионите е вистински луксуз, играат најдобрите екипи во Европа, но често има и споредни работи кои не му прилегаат на вакво натпреварување.
И денеска имаше инцидент, а во Неапол нападнати се навивачи на Ливерпул, пред почетокот на дербито меѓу Наполи и актуелниот европски првак.
„Нè нападнаа со шишиња и камења. Има и повредени навивачи на Ливерпул“, изјави за клупскиот сајт на европскиот првак еден од симпатизерите на англискиот клуб.
Голем ривалитет постои меѓу италијанските и англиските клубови, а сè уште се памети хоророт на Хејсел во Брисел на финалето на тогашниот Куп на европски шампиони, кога животот го загубија 39 навивачи на Јувентус, а над 600 беа повредени на дуелот со Ливерпул.
