Навивачи на Валенсија се уапсени во Сингапур само поради тоа што протестирале против сопственикот на клубот, Петер Лим. Се работи за брачен пар кој бил на свадбено патување, а уапсени се бидејќи залепиле налепници на кои пишувало „Лим, оди си“.
Тие биле задржани на аеродромот во Сингапур кога сакале да се вратат дома, одземени им се пасошите, а веднаш реагираше и градоначалникот на Валенсија, кој побара од амбасадорот на Шпанија во Сингапур да реагира и да ги издејствува ослободување на брачниот пар.
Навивачите на Валенсија веќе со години протестираат против сопственикот на клубот, пред сè поради лошите резултати, но и големата криза во која се најдоа откако дојде Лим на чело на клубот.
