Човекот кој беше назначен од раководството на Андерлехт за „менаџер за партнерства“, бил принуден да даде оставка од позицијата уште пред да влезе во канцеларија затоа што навивачите на клубот од Брисел го бомбардирале со навредливи пораки и закани од типот „подобро да не стапнува на нашиот стадион“.
Причината е што лицето било фан на еден од најголемите ривали, Стандард Лиеж, а на социјалните мрежи неколку пати објавувал и навредливи објави против Андерлехт.
Менаџер за партнерства е важна функција во клубовите од тој дел на Европа бидејќи е задолжен за да донесе спонзори, но не само да ја подобри финансиската помош за клубот, туку треба да биде и човек со добри контакти, чист имиџ и да може да води преговори со фирмите.
Медиумите во Белгија не соопштија кој е тој човек, а поумерените фанови не се согласуваат со бркањето на професионалци, дури и потсетуваат дека во минатото и сопственикот Марк Куке се изјаснувал како навивач на Бриж.
