Фудбалерите на Бока јуниорс утре во раните утрински часови ќе отпатуваат од Буенос Аирес за Мадрид, а навивачите најавија дека ќе ги придружуваат играчите на патот до аеродромот. Како што е познато, Бока јуниорс во недела, во Мадрид ќе игра со Ривер плате во битка за титулата во Копа Либертадорес (Лига на шампиони на Јужна Америка).
Се очекува илјадници навивачи на Бока да бидат дел од карванот, но полицијата објави дека карванот ќе може да биде со автобусот на играчите само до излезот од градот и нема да им дозволи да се доближат до аеродромот во главниот град на Аргентина.
Добра вест за Бока е што почна да тренира Кристијан Павон и можеби популарниот Кичан, или „КП7“, ќе може да помогне во недела вечерта.
И екипата на Ривер утре заминува во Мадрид и ќе има четири дена да се прилагоди на условите во главниот град на Шпанија. Тешко им падна одлуката да не се игра на нивниот стадион и само со нивни фанови на трибините, но мораа да се помират со компромисот.
