Стотици навивачи на Болоња со посета на познатиот Манастир „Свети Лука“ се молеа за здравје на Синиша Михајловиќ, кој од завчера го почна процесот и медицинскиот третман во битката против леукемијата.
Со таканаречениот аџилак симпатизерите на калчолигашот му посака на својот тренер што побрзо да закрепне и да се врати на теренот. Ги предводеше сопругата на Михајловиќ, Аријана Рапачони, која им се заблагодари на навивачите и сите што го подржуваат семејството Михајловиќ во тешката битка со опасната болест.
На Синиша на почетокот на месецов му беше соопштено дека има леукемија, а со хемотерапијата почна во петокот. Во зависност од развојот на настаните Михајловиќ ќе се обиде со совети до своите помошници, да продолжи да кормилари со бродот на Болоња, а поддршка за него постојано пристигнува без разлика на клуспката припадност и симпатии.
