Навивачите на Интер објавија соопштение со кое најавија дека планираат да го бојкотираат градското дерби со Милан на 5 февруари. Причина за протестот е, според нив, нерамномерната распределба на билетите за Дерби дела Мадонина.
Интер е симболичен домаќин во дуелот кој може да биде и еден од клучните во битката за титулата во Италија. Интер е лидер на Серија А со 53 бода и еден меч помалку, а на втора и трета позиција со по 49 бода се Наполи и Милан.
Поради ограничувањата поврзани со ковид-19, на стадион ќе може да влезат 40-тина илјади фанови, или 50 отсто од капацитетот, а според навивачите, тоа е премалку. Тие се разочарани и се шокирани што добиле малку билети за нивната трибина. Најавија дека ќе бидат на трибините, но нема да навиваат, нема да користат мегафони, знамиња, банери и нема да прават кореографија.
