Се очекува почесен марш пред денешниот натпревар меѓу Лестер и Барнли. Навивачите на „лисиците“, уште еднаш ќе му оддадат чест на починатниот сопственик, Вишај Шриваданапраба, кој го загуби животот во хеликоптерската несреќа која се случи на 27-ми октомври.
Навивачите ќе маршираат од центарот на градот, па сѐ до стадионот „Кинг Пауер“ пред почетокот на мечот. Маршот ќе почне од 13:45 часот, додека од клубот потврдија дека пред натпреварот ќе биде прикажан краток видео запис, да на присутните на трибините ќе им бидат поделени комеморативни подароци. Натпреварот ќе започне со двеминутен молк.
„Ќе биде тешко да ги контролираме емоциите поради целокупната ситуација. Сакаме сѐ да биде според планот. Ќе има многу активности во текот на целиот настан, но ние мора да бидеме сконцентрирани со она што ќе се случува на теренот“, истакна капитенот Вес Морган.
Натпреварот Лестер – Барнли започнува во 16 часот.
