Лучано Спалети на Наполи му ја донесе првата титула шампион на Серија А по 33 години, но реши да си замине од клупата на италијанскиот првак. Тој останува омилен лик на навивачите, но не беше така од почетокот.
Двегодишниот престој во Неапол започна лошо за него бидејќи навивачите незадоволни од резултатите, му го украдоа автомобилот, а со транспарент на еден од натпреварите му порачаа дека ќе му го вратат кога ќе си оди од Наполи.
As a parting gift to their manager, Napoli ultras gifted Luciano Spalletti his steering wheel and CD's they stole from his beloved Fiat Panda during protests in 2021 😂🚗 pic.twitter.com/gUOX9JFvu1
— SPORTbible (@sportbible) June 6, 2023
По две години дојде и моментот Спалети да си оди, но како шампион на Италија, а на прес-конференцијата за збогум се појавија и навивачите на Наполи со истиот транспарент, но и со пакет адресиран до тренерот. Во кутијата беше воланот од автомобилот „фијат панда“, како и два диска со музика кои биле во фијатот, а Спалети сето ова го прифати со смеа и потпиша дека автомобилот му е вратен.
🗣️ Napoli ultras in October 2021: "Spalletti, your Panda will be given back, as long as you leave!”
At least they stuck to their word 😅 pic.twitter.com/NIPk2xjDdB
— SPORTbible (@sportbible) June 6, 2023
