Пари Сен Жермен синоќа го одигра првиот меч на свој терен во новата сезона и победи со 4:2 против Стразбург. Пред почетокот на мечот, домаќините организираа претставување на новите фудбалери кои беа доведени во летниот преоден рок.
Се појавија Донарума, Вајналдум, Рамос и Хакими, а на крајот беше претставен Лионел Меси. Навивачите на ПСЖ паднаа во транс кога Меси истрча на теренот, а Аргентинецот почувствува дека е новиот миленик на навивачите на Светците.
